Nxemësa keramikë

Merkur prodhon nxemësa keramikë të madhësive dhe formave të ndryshme për ngrohjen indirekte të lëngjeve si uji, vaji, nafta, bitumeni etj. Ndërtohen duke kaluar telin rezistent nëpër kanalet e cilindrave të keramikës, të cilët bashkohen rreth një boshti inoksi për të formuar një nxemës me gjatësinë që kërkon klienti.

Për këto aplikime nxemësi vendoset brenda një tubi inoksi, që keramika dhe teli të mbrohen nga kontakti me lëngun. Përparësia kryesore: bërthama e nxemësit mund të ndërrohet pa e zbrazur plotësisht rezervuarin dhe pa e çmontuar plotësisht nxemësin.

Ne ofrojmë zgjidhje jo vetëm për pajisjet e prodhuesve më të njohur, por edhe zgjidhje speciale për prodhuesit e rinj, dhe ju këshillojmë si të arrini zgjidhjen optimale për mjedisin dhe temperaturën punuese të pajisjeve tuaja.