Rreth nesh

Disa fjalë për ne...

Një histori suksesi

Merkur, me një traditë prej më shumë se 35 vitesh, identifikohet si një prodhues i elementeve ngrohëse që ofron kualitet, siguri dhe korrektësi. Një punishte e vogël në qytetin e Preshevës me pajisje alternative dhe me një kapacitet të vogël prodhimi kanë qenë hapat e parë të kompanisë Merkur. Pas përfundimit të luftës në Kosovë, duke u bazuar në një vizion të qartë për krijimin e një produkti bashkëkohor me profesionalizëm dhe me standarde europiane, kompania u zhvendos në Prishtinë në një fabrikë moderne dhe me pajisje të kualitetit më të lartë europian. Merkur posedon një teknologji të re, me makina prodhuese me origjinë nga Suedia dhe Gjermania, më saktësisht nga kompania Kanthal dhe FK Industrieofenbau. Për më tepër, materiali bazë sigurohet nga kompanitë më serioze europiane përmes distributorëve të autorizuar për regjionin e Ballkanit.

Njëra nga vlerat thelbësore që Merkur proklamon është kualiteti. Për këtë arsye gjatë procesit të prodhimit, një rëndësi e vecantë i kushtohet një procesi rigoroz të testimit elektrik dhe fizik. Për më tepër, nga viti 2013, Merkur posedon certifikatën gjermane të kualitetit VDE për prodhimin e nxemësave elektrik në ujë.

Një vlerë tjetër për të cilën Merkur krenohet është agjiliteti. Përmes një komunikimi intenziv dhe të hapur me klientët, ne kuptojmë shpejt problemin, dizajnojmë një zgjidhje praktike dhe në fund vijmë me produktin përfundimtar, proces i cili është shumë i shpejtë dhe me kosto optimale për klientin.

Për të përfunduar, Merkur ka qëllim kënaqshmërine e klientit, rrjedhimisht kur klientët tanë kanë nevojë për produkte që tejkalojnë prodhimin tonë standard, dhe nuk mund të gjejnë pergjigje të kënaqshme në treg, ne jemi të lumtur që përmes ingjinierëve tanë t’u ofrojmë zgjidhje kreative dhe të vecanta për aplikimet e tyre. Për këtë arsye në vitet e fundit ne kemi filluar me prodhimin e furrave për shkrirjen e aluminit, furrave që përdoren në stomatologji dhe furrave për industrinë HoReCa, të cilat ndërtohen dhe funksionalizohen plotësisht nga stafi i Merkur.